Despues di nombramentu i oumento,
komisariado tambe?

Sin mas, ta di aploudí ku partidonan Demokrat, Pueblo Soberano i Forsa Kòrsou ta hasi un esfuerso pa pone e oumento di salario i penshun, ku a lanta tantu desgustu, riba agènda di Konseho Insular. Sigur si konsiderá ku koalishon a tuma un posishon pasivo, lagando desishon na Gobernador. Ki mensahe nan ta dunando pueblo? Ku nan no ta konfia nan mes sano huisio den e kaso aki? Sigui lesa aki. . .

Drai bek na nòmber di demokrasia i hustisia soshal

Aparentemente, e koalishon nobo a kere ku e mester logra aseptashon di Slotverklaring a todo kosto. Nan ta baha kabes pa nombramentu koruptivo i enrikesimentu propio ku ta kosta pueblo miones pa aña, awor i pa generashonnan ku lo sigui. Ademas e gastu lo subi ku kada grupo nobo di diputado i parlamentario. Pero e kosto berdadero ta hopi mas serio.
E koalishon nobo ta sakrifikando demokrasia i bon gobernashon den su esfuerso pa pone Slotverklaring riba mesa atrobe. Sigui lesa aki. . .

Polítikonan ta na kareda

Partimentu di puesto den servisio di gobièrnu pa motibu polítiko, sin niun eksigensha ni prosedura, miéntras e servisionan ta sklama pa hende ku kapasidat i eksperensha.

• Promoshon di sueldo pa favoritonan miéntras ámtenar kapasitá i ku eksperensha ta keda frusa riba e mesun stul.
   
• Pushamentu di kompania di gobièrnu ku partidario, famia i amigu, komo ku pueblo ta kubri tur gastu ora di paga pa entre otro koriente, telefon i gasolin. Sigui lesa aki. . .

Programa di partido:
Kòrsou bieu òf Kòrsou nobo?

Inskripshon di listanan di kandidato pa partisipá na elekshon ta tras di lomba i partidonan a kuminsá ku kampaña pa gana votadó pa nan respektivo listanan.

Ku bishita na kas di votadónan, aviso via televishon, radio, korant, pamflèt i otro medionan, kada partido lo laga pueblo sa kon bon nan ta i ku ta pa nan kandidatonan pueblo mester vota.

Awor un kos ta komuniká ku pueblo, otro kos ta e mensahe ku pueblo ta kapta.
Sigui lesa aki...

Karta habrí na partidonan politiko
Tokante: Lista di Kandidato

Apresiabel direktivanan di partido polítiko,

Pueblo di Kòrsou ta na punto di realisá otro kambio transendental den su historia, ora Kòrsou haña e status di pais outónomo den Reino Hulandes .

Un kambio polítiko/estatal ku mester nifiká un adelanto kultural, sosial i ekonómiko pa pueblo en general, pero partikularmente pa e rumannan sosialmente mas debil. Pero tambe un kambio ku lo eksihí sodó di frenta, perseveransha di vishon, i boluntat pa yuda i uni. Di kada un di nos, i di nos polítikonan.
Sigui lesa aki...

Si nos ke bira un pais, nos mester ta un komunidat

E rumbo desordená, agresivo i te hasta ofensivo ku e diskushon riba futuro estatal a kue, ta algu ku ta bai hopi mas profundo ku posishonamentu riba Slotverklaring.

Ku poko pasenshi pa tende otro, falta di rèspèt pa opinion diferente, lantamentu di bos agresivo, i remarke ku un tono rasista, ta purba fòrsa otro pa aseptá un posishon.

E manera di hiba diskushon di último tempu ta trese na kla di dia diferenshanan profundo, ku tin nos komunidat separá den diferente grupo. Na superfisie nos ta pretendé di ta biba banda di otro sin muchu problema. Pero ei bou tin persepshon i resentimentu ku ta resultá den un polarisashon kresiente den tur situashon ku ta eksihí diálogo i konklushon.
Sigui lesa aki...