Despues di nombramentu i oumento,
komisariado tambe?
Sin mas, ta di aploudí ku partidonan Demokrat, Pueblo Soberano i Forsa Kňrsou ta hasi un esfuerso pa pone e oumento di salario i penshun, ku a lanta tantu desgustu, riba agčnda di Konseho Insular. Sigur si konsiderá ku koalishon a tuma un posishon pasivo, lagando desishon na Gobernador. Ki mensahe nan ta dunando pueblo? Ku nan no ta konfia nan mes sano huisio den e kaso aki?
Otro pregunta ta si e esfuerso di e tres partidonan di oposishon ta yuda. Si yega asina leu ku ta bolbe habri diskushon den Konseho Insular, e resultado ta dudoso. No tin pakiko spera ku e nivel di diskushon lo ta mas al kaso ku e politikeria di último reunionnan. Lo resultá den un asuntu di warda palabra di Gobernador.
Turesten, mester paga tinu pa e kaso di oumento aki no pone ku ta lubidá e otro aktonan di gobernashon di mala fe di último tempu. Mala fe, pasobra e koalishon presente a sera wowo, orea i boka pa atrosidat den gobičrnu di Kňrsou, pa asina kumpra sosten pa Slotverklaring.
E nombramentunan polítiko na Selikor, DROV, Wega di Number, CPA, (i kuantu mas tin?) mester keda riba pantaya polítiko. Al kontrario, mester usa nan pa saka otro kasonan di nombramentu polítiko ku a pasa sin notisia. I meskos ku den kaso di oumento, aki tambe mester eksihí di polítikonan ku nan mester tuma un posishon.
Kousa Komun ta ripití, ku mester disolvé e kontratonan. Laga polítikonan usa nan abilidat i negoshá un kompensashon mínimo pa e kiebro di kontrato aki. Esei ta e úniko manera pa demostrá ku partidonan a komprondé e mensahe di repudio ku a lanta den komunidat. Ademas, e ta e mihó solushon pa término largu. Manera den kaso di Selikor, kaminda e último veredikto di wes ku mester sigui paga pa e kontrato ta bai kosta salario di hopi luna promé ku Korte duna su konklushon final. Einan, e chčns ta grandi ku wes lo disidí ku mester anulá e kontrato, konsiderando e situashon, pero ku tin ku paga dańo i perhuisio na e persona.
E dianan aki, koalishon ta preparando nombramentu di huntanan di komisario di kompania di gobičrnu. Pueblo mester eksihí pa gobičrnu formulá un profil di abilidat, integridat i responsabilidat pa kada tipo di komisariado, i nombra komisarionan segun e profil aki. Diputadonan no nesesariamente mester forma parti di hunta di komisario. Nan ta karga responsabilidat polítiko i ta representá gobičrnu komo akshonista di un kompania. Si nan abilidat no ta kuadra ku e profil di komisariado, nan no por karga responsabilidat pa maneho den hunta di komisario.
Si pueblo no duna un seńal kla riba e asuntu aki tambe, polítikonan lo kue Kňrsou kabes abou atrobe. Atrobe lo perhudiká kompanianan i pueblo ku loke a para bira dunamentu di privilegio na kompinchi i nombramentu di marioneta polítiko.
Un par di partido di oposishon ku un par di asiento no ta sufisiente pa konvensé demas polítiko ku mester goberná na drechi. Karta habrí den korant? Mayoria di polítiko no ta lesa nan. Gritu di parti di Kousa Komun tampoko tin basta peso.
Un yamada general di gruponan organisá, pero tambe siudadanonan individual sí lo pone polítikonan realisá porfin ku pueblo ke bon gobernashon.
Kousa Komun, 070724
|
