Karta habrí na partidonan politiko tokante
Lista di Kandidato
Apresiabel direktivanan di partido polítiko,
Pueblo di Kňrsou ta na punto di realisá otro kambio transendental den su historia, ora Kňrsou hańa e status di pais outónomo den Reino Hulandes .
Un kambio polítiko/estatal ku mester nifiká un adelanto kultural, sosial i ekonómiko pa pueblo en general, pero partikularmente pa e rumannan sosialmente mas debil. Pero tambe un kambio ku lo eksihí sodó di frenta, perseveransha di vishon, i boluntat pa yuda i uni. Di kada un di nos, i di nos polítikonan.
Komo dirigente di partidonan polítiko na Kňrsou, boso tin un responsabilidat partikular i honorabel di kumpli kuné den preparashon pa e Kňrsou nobo aki.
Mas ku den pasado, e bia aki boso tin e obligashon di presentá un programa bon balansá i pone riba boso lista pa e elekshon benidero, kandidatonan ku tin e personalidat, e kapasidat i e abilidat adekuá pa por guia pueblo riba e kaminda pa progreso, i bienestar i union.
Pa loke ta su personalidat, e kandidato mester ta; un hende ku ta konfiabel i sa kiko por ňf no por; un hende ku ta aktua ku kurashi i ta hasi loke ta korekto sin buska popularidat; un hende ku ta usa su poder pa sirbi pais sin manipulá; un hende ku tin e disiplina pa pone su mes interes un banda i atendé esun di pueblo.
Pa loke ta su kapasidat, e kandidato mester ta; un hende ku konosé lei i reglanan di pais i di demokrasia; un hende ku ta komprondé, rekonosé i por atendé problemanan di pais; un hende ku e vishon pa guia Kňrsou teniendo kuenta ku nesesidat di pueblo i desaroyonan mundial; un hende ku ta realisá konsekuensha di tur loke e bisa ňf hasi.
Pa loke ta su abilidat, e kandidato mester ta; un hende ku sa bon unda Kňrsou mester bai i kon pa yega ei; un hende ku ta fiha un meta kla i ta siguié tambe sin bira rňnt; un hende ku ta hasi uso di hende kapasitá pa yud’é buska i trese solushon pa problemanan di pais; un hende ku ta evaluá i midi progreso, ku ta promové transparensha i ta duna kuenta i rason na pueblo.
No tin espasio, i no ta responsabel tampoko pa presentá pueblo kandidatonan ku no ta kumpli ku minimalmente e kalidatnan menshoná ariba.
Boso, dirigente di partidonan polítiko ta den e posishon pa duna, ňf ninga pueblo un gobičrnu ku ta traha pa un Kňrsou nobo, próspero i hustu.
E programa i e lista ku boso presentá dia 26 próksimo ta determinante den esaki.
Pone interes di pueblo dilanti i kumpli kabalmente ku boso tarea i responsabilidat.
|
