Referčndem no por warda te na final
Den referčndem di 2005, pueblo a duna gobičrnu mandato pa negoshá un struktura estatal a base di e opshon di pais outónomo den Reino. Pasobra e definishon ofisial di e opshon mes tabata hopi general, e mandato aki ta duna basta espasio pa negoshashon.
Despues, Konseho Insular a pasa un resolushon ku ta pueblo tin ku disidí riba e resultado final di e negoshashon ku gobičrnu a hiba. Pues nň Konseho Insular.
Segun e negoshashon ku Hulanda i e otro islanan ta kana, e ta resultá den akuerdonan riba diferente tereno. Despues tur e akuerdonan aki ta bai forma parti di e akuerdo final di Mesa Rondó.
Tarea di Konseho Insular ta di vigilá na nňmber di pueblo si e negoshashon i e akuerdonan ku ta resultando ta kai denter di e mandato ku pueblo a duna. Tanten ku esei ta e kaso, Konseho Insular por outorisá gobičrnu pa sigui negoshá pa yega na e resultado final ku tin ku bai bčk serka pueblo.
Tin diferente akuerdo den Slotverklaring ku ta lanta e pregunta ku si nan ta kai dentro di e mandato original. Den e kaso ei, Konseho Insular no por disidí pa pueblo si ta amplia e mandato ňf nň.
Ademas, ta un hecho ku diferente akuerdo den Slotverklaring mester drenta na vigor promé ku Mesa Rondó.
Slotverklaring ta pone ku tin ku tende pueblo awor aki pa e disidí si e ta aseptabel komo base pa sigui negoshá i kuminsá apliká akuerdonan promé ku tanda final. Polítikonan no por sustituí e voto den Konseho Insular pa e derecho di outodeterminashon di pueblo, ni pro, ni kontra. Mas ainda si konsiderá ku e miembronan ku tabata presente a saka un total di apénas 14.200 voto den elekshon insular, di un pueblo votador di 110.000 persona.
Pueblo no por disidí sin hańa un splikashon konkreto, amplio i komprendibel. Pa e informashon ta imparsial, mester di un komishon di referčndem independiente ku tin e outoridat apsoluto pa organisá e referčndem i prepará e informashon na pueblo.
Lňs for di tur aspekto di struktura estatal i outonomia, e komishon lo mester splika tambe si e Slotverklaring ta ofresé perspektiva pa un mehorashon real i struktural di e situashon penibel ku Kňrsou ta aden.
Al fin i al kabo, ta pueblo ta esun ku mester balansá su interesnan estatal i soshal-ekonómiko pa e por disidí ki futuro e ke pa su yunan. Pueblo, i nň polítikonan, ta esun ku ta karga e konsekuenshanan.
Finalmente, ku pueblo su desishon den man, gobičrnu tin un posishon hopi mas fuerte na mesa di negoshashon.
Kousa Komun, 061207
|
