Tarea di parlamentario ta pa lesa korant?
Imaginábu bo shef pidibo pa splika dikon bo a tuma sierto desishon, i bo kontest’é ku e tin ku warda te dia bo pone e kontesta den korant. Aparentemente un diputado si por hasi asina ora e tin ku duna kuenta i rason na pueblo.
Nos tin un sistema di gobernashon demokrátiko. Mandatarionan ta manehá gobičrnu na nňmber di pueblo. Den e kaso di Kňrsou nos ta papia di diputadonan, ku ta goberná konhuntamente den Bestuurscollege. Parlamento ta representá pueblo, i su responsabilidat ta pa vigilá maneho di e mandatarionan ku koalishon a nombra den BC. Kada diputado tin e deber di responsabilisá su mes serka parlamento. Esei ta sosodé ora e informá parlamento riba su maneho. Ademas, parlamentarionan tin e derecho di hasi pregunta tokante maneho di un diputado, i esaki tin e deber di duna kuenta i rason.
Si e diputado husga ku e tin ku buska mas informashon promé ku e por duna un kontesta, esaki por ta un demostrashon di prudensia ehekutivo i koutela polítiko. Riba su mes no tin nada malu den esei.
Siman ku a pasa, den reunion di Eilandsraad tokante presupuesto, diputado di salubridat a nenga di respondé pregunta tokante sitio di e sentro di kanser nobo, deklarando ku e ta warda konseho di e grupo di trabou konserní. Ademas, el a anunsiá ku dia 24 di desčmber e lo ofresé e informashon na prensa. Despues di esei e ta dispuesto pa duna kuenta i rason na parlamento.
Esei no ta kuadra ku demokrasia. Medionan di komunikashon tin un tarea importante komo kargadó di notisia riba un manera ekilibrá, verídiko i demokrátiko, pero nan no ta representá pueblo. Promé responsabilidat di e diputado ta ku parlamento, ku a pidi informashon pa e por ehekutá su tarea komo representante di pueblo
Ningun di su koleganan no a koregí e diputado riba e último punto aki. Presidente di reunion, ku ta Gezaghebber, tambe a keda sin atendé e diputado riba su responsabilidat dilanti di representashon di pueblo.
Akaso Bestuurscollege ta hańa ku parlamentarionan tin ku gana nan salario di ocho mil florin lesando korant?
Kousa Komun, 031212
|
