Tula, bo tin ku warda basta mas
Den referčndem pueblo a pidi partidonan pa hiba nos pais na outonomia. Awor nos tin ku realisá ku nos polítikonan ta leu for di kla pa por goberná un pais outónomo. Polítikonan mes a proba atrobe ku nos problema di gobernashon tin tiki di haber ku Antia di sinku. Birando outónomo, nos relashon estatal lo kambia, pero si e kalidat i e komportashon di nos polítikonan no drecha, tur kos ta keda mes kos.
Gobičrnu di koalishon di Kňrsou a kai riba un manera ku no tin nada di hasi ku interes di isla di Kňrsou, ni di su pueblo. Unu: koalishon a trompeká riba repartishon di puesto personal. Dos: un polítiko ku a saka nčt algu mas ku 150 voto den elekshon ta laga henter un gobičrnu kai. Mesora a bolbe kuminsá un baliamentu deskará pa poder. Polítikonan, te hasta den kara di outonomia, ta keda demostrá ku nan no por tene nan mes na reglanan di bon gobernashon i maneho efektivo. Ku nan no por traha ku e sistema di koalishon. I ku nan no konosé desensia polítiko.
Pueblo a fada di polítikonan ku ta hambrá pa poder sin logra solushon struktural pa ningun di e problemanan básiko ku ya pa hopi tempu ta stroba desaroyo di nos pais. A yega ora pa nos eksihí desensia, kalidat i profeshonalismo den polítika.
Komo pueblo nos no ke drenta den un aventura di outonomia sin lei i regla tokante responsabilidat di mandatario, kondukta di parlamentario i gastamentu di plaka públiko. I mester lanta un diskushon ku pueblo riba tur e dokumentonan eksperto riba nos futuro konstitushon i nos situashon ekonómiko i sosial komo pais outónomo.
Kisas mas importante i promé ku tur kos, mester diskutí introdukshon di un sistema demokrátiko ku ta duna pueblo mas di bisa di un manera mas direkto den asuntunan importante di su pais.
Nos ta realisá ku tur esaki ta tuma tempu, i ku lo no alkansá e fecha mágiko di promé di yüli 2007. Pero ta huntu nos mester konstruí un pais outónomo den Reino, pa e por bira un komunidat di prosperidat, pas, rčspčt, i siguridat pa nos tur. I si tin un kos ku e tanganá polítiko di koalishon di Kňrsou a demostrá, ta ku nos ta leu for di ta kla pa outonomia.
Pa kopia un kantika popular: “Tula, bo tin ku warda basta mas”.
Kousa Komun, 060605
|
