Vrijwaring pa UTS, Dok, i Presupuesto 2006 tambe?
 E dianan aki desishonnan grandi tin ku kai enkuanto gerensia di UTS i reskate di Dok. Anteriormente, den kaso di DCA a keda sin tuma desishonnan stratégiko nesesario, pa na su lugá keda pňmp aden sin maneho. DCA a será pa falta di desishonnan korekto, i tur e sčn di pueblo ku a bai aden tabata enbano.
Siman pasá polítikonan a aprobá e défisit gigantesko di Presupuesto Insular pa 2006, ounke ku Banko Sentral a atvertí ku no tin manera pa finansiá tal debe.
Den kaso di DCA, resientemente Bestuurscollege a hasi un petishon na Konseho Insular pa duna “vrijwaring” na tur persona ku tabata karga responsabilidat di maneho. Kiko esei ke men?
Un persona tin ku karga ku konsekuensha negativo di su responsabilidat, nos tur sa esaki. Esei ta konta tambe pa direktor, gerente, komisario i polítiko. Mas pisá e responsabilidat ta, mas serio e posibel konsekuensha i dańo por ta. Kódigo Sivil nobo ta suprayá esei. Pero tin un limitashon ora ta trata di un situashon ku no por a premirá, ňf ku ta kai for di kňntrňl di e persona, ňf si el a trata di spičrta su koleganan sin ku nan ker a tende. Den e kaso ei lei mes ta ofresé e eksonerashon nesesario, tanten ku e dirigente el a hasi su máksimo esfuerso, aktuando korektamente i ku konosementu.
Ya ku ta asina ku lei mes konosé “vrijwaring” pa un dirigente ku a aktua korektamente, Kousa Komun ta puntra su mes ta kiko ta teme anto, ku den kaso di DCA ta buska vrijwaring adishonal. Pasobra ta ora keda sin tuma akshon nesesario ňf aktua sin konosementu so mester teme pa e posibilidat di demanda den korte. Si tin baimentu di korte mes, ta e ora ei lo bini klaridat ta ken te esnan ku a faya den nan maneho.
Gobičrnu ta akshonista mayoritario di su kompanianan. Mandatarionan ta representá akshonista. Si nan mes disidí di libra un dirigente di su responsabilidat sin ku tin hustifikashon pa esei, nan mes tin ku para responsabel pa nan desishon, huntu ku e hunta di komisario ku a aseptá e desishon, i Konseho Insular si esaki ta apoyá e desishon.
Parlamento Antiano a vota den forma abrumador pa aseptá Kódigo Sivil nobo, tambe e parti ku ta regla responsabilidat personal. Den kuadro di Bon Gobernashon, pronto lo tin reglamentashon di responsabilidat di mandatario. Pero manera ta sosodé hopi biaha, na momentu ku nos pais ta riba bon kaminda pa pone reglanan demokrátiko kana, ta parse ku polítikonan ta inventá eksepshonnan riba e regla pa sirbi interes di nan i nan aliadonan.
Kousa Komun ta teme ku esaki ta habri kaminda pa aworó duna vrijwaring tambe pa e falta di responsabilidat den kasonan manera UTS, Dok, Presupuesto Insular i e famoso despedida di 900.000 florin pa direktor di Curoil.
Nos mester puntra nos mes ta ki futuro “Kňrsou Outónomo den Reino” tin ku tipo di maneho di polítiko i huntanan di komisario asina. Pasobra final di kuenta ta ku pueblo ta paga pa tantu e dańo finansiero i esun moral.
Kousa Komun, 051220
|
