Pa solushoná nos debe nashonal mester kombatí korupshon
Di Etienne Ys, Sidney Ignacio i Jan Peter Balkenende te ku sindikato, Kámara di Komersio i VBC, tur ta splika ku kambio di struktura estatal tin sintí solamente si e hiba pueblo dilanti. P’esei tin tantu diskushon riba eliminashon di debe nashonal i kon evitá debe nobo.
Segun Kousa Komun, korupshon ta kousa berdadero di e debe nashonal gigantesko ku ta menasá futuro di nos isla. Ta korupshon di mente polítiko ta permití un maneho di fia i gasta sčn riba lomba di pueblo. Te asta ora logra un presupuesto di gobičrnu balansá, korupshon ta evitá ku esei por kondusí na prosperidat general i oumento pa esnan ku ménos entrada. Pasobra korupshon polítiko bou di mandatario ta desviá fondo públiko pa proyekto ku ta reforsá nan popularidat na lugá di sirbi interes general. Korupshon den kabes di polítiko ta habri kaminda pa gruponan di interes privá kumpra nan ku regalo, plaka i posishon. Korupshon entre polítikonan i kuerpo di empleado públiko ta wanta proyekto i ta pone invershonista bira lomba pa nos pais. Korupshon den sektor di konstrukshon ta hasi proyekto ku mester fomentá desaroyo i krea kupo di trabou bira mas karu. Korupshon entre komersio i polítiko ta subi kosto di loke gobičrnu kumpra riba merkado lokal.
P’esei, na mesa rondó mester trata medida kontra korupshon samsam ku medida pa evitá debe nobo.
Kousa Komun, 051212
|
