A bira ora pa tene topoverleg di pueblo
14 di novčmber 2003
Atrobe, polítikonan ta trata asuntu di struktura estatal riba un manera bruá, sekretivo i eksklusivamente polítiko. Ta hasi manera futuro di Kňrsou ta den man di polítikonan, i ku komunidat tin ku sinta warda kiko nan ta disidí riba nos futuro. Ta planeá topoverleg tras di topoverleg.
Na sčptčmber 2002 Konseho Insular a pasa un moshon riba futuro struktura estatal di Kňrsou, ku intenshon pa presentá esaki na kumbre na Boneiru komo desishon di Kňrsou. A sigui un ola di protesta públiko, i polítikonan a kuri deklará ku e moshon no ta definitivo, i ku lo tene un referčndem pa pueblo duna su desishon. A primintí kuminsamentu di 2003, despues a kambia e dato pa sčptčmber 2003. Na okashon di esei Kousa Komun a saka un komunikado “Polítikonan ta ripití eror históriko di 1993”. Na 1993 tur partido di Kňrsou a kumbiní ku loke nos ke ta status aparte. Den un referčndem ophetivo, bon informá i ampliamente diskutí, pueblo a ignorá e preshon públiko di polítikonan, i a skohe pa Antia di sinku restrukturá.
Fin di desčmber 2002 Kousa Komun a puntra den un komunikado si akaso referčndem ta riba pantaya polítiko ainda. Siguiendo e kumbre na Boneiru, i despues di e diferente promesanan ku lo tene referčndem na 2003, a kai un silensio polítiko profundo atrobe.
Ora na kuminsamentu di e ańa aki gabinete Ys a anunsiá ku lo tene un kumbre interinsular na aprel, i otro ku Reino na sčptčmber, kaminda polítikonan lo fiha posishon riba struktura estatal, Kousa Komun a emití otro komunikado ku e pregunta “Ta tene referčndem promé ňf despues ku polítikonan disidí?”
Ademas di Kousa Komun, por a tende hopi otro krítika riba e intentonan polítiko pa pasa pueblo un “fast ball” ku moshonnan i kumbrenan “no definitivo”. Tantu den medionan di komunikashon komo for di vários sektor di komunidat tabatin esnan ku fuertemente a rechasá e maniobranan aki.
E miedu ku polítikonan tin di referčndem ta ku nan no por manipulá pueblo manera nan a kustumbrá di hasi den un elekshon pa gobernashon. Pasobra no tin kestion di sčn di kampańa, ni promesanan falsu, ni kumpramentu di voto. No tin oportunidat pa forma un koalishon despues pa trosé e resultado di e votashon. I loke nan ta teme mas ku tur: den un referčndem: nan posishon di polítiko no ta relevante. Meskos ku kada otro siudadano, nan por partisipá den e diskushonnan na kas, riba kaya, na trabou riba e opshonnan di referčndem. Kada polítiko ta un simpel votador, ku un voto so, meskos ku kada un di e otro siudadanonan ku ta bai urna.
Finalmente, si gobičrnu laga henter e organisashon di referčndem den man di un komishon independiente, manera a sosodé na 1993 i manera internashonalmente rekomendá, polítikonan por stňp di hinka tempu den kumbre tras di kumbre. Pa asina nan sobra tempu pa goberná, i solushoná e problemanan real di nos isla ku no por warda riba struktura estatal. Pa ripití un par: pobresa ku ta bira mas i mas agudo, norma- i balornan pčrdí, ekonomia paralisá, desempleo na gran eskala, kriminalidat kresiente, edukashon sin strategia, salubridat públiko ku ni sikiera por karga gastu di penshonadonan, korupshon organisá, i mal gobernashon.
|
