Desensia den polítika, demokrasia den pais
 E último formashon di Bestuurscollege tabata otro ehčmpel di yagmentu di posishon a kosto di prinsipio polítiko i bon gobernashon. E dianan aki lo kaba di parti e delaster komisariadonan na kompinchinan polítiko. Esnan ku a bin bčk den posishon di mandatario por sigui defendé interes di nan partido, di e gruponan ku ta mantené nan na poder, i di nan propio saku. No tin polítiko mas ku e intenshon pa goberná na interes di pueblo. Ta esei ta e persepshon ku ta biba den pueblo.
Sinembargo, tin eksepshon ku ta duna speransa ku un dia kos lo kambia. Ku polítika lo bira un mishon desente atrobe di hende ku ke sirbi nan pais ku rčspčt pa su norma i balornan, i ku konosementu di e nesesidatnan sosial i ekonómiko di nan pueblo. I pueblo ta alerta riba e eksepshonnan aki. Tuma por ehčmpel un Armin Konket, ku a laga su konsenshi di representante di pueblo prevalesé riba e ansha pa poder ku a reina den formashon di koalishon. Ku a enfrentá su partido riba esaki i a present’é e konsekuensha.
Pero esaki no ta pará riba su mes. No muchu tempu pasá, durante tratamentu di presupuesto, tres miembro di Konseho Insular a bai kontra di palabrashonnan den koalishon ku segun nan ta violá regla di bon maneho finansiero. Kada un tabata di un otro partido. Ta trata di Dennis Evertsz, Oscar Castillo i, atrobe, Armin Konket. I asina tin ehčmpelnan di un Abigail Hironimus-Paula, Ersilia de Lannoy, Henk Ruggenaath, Rignald Lak, Alex Rosaria, David Dick. Tur ta polítiko ku a demostrá di tin un propio konsenshi polítiko, ku e wesu di lomba pa para pa esaki ora ta nesesario, ku argumento i sin bochincha.
Pueblo sa ku por otro den polítika. P’esei, e ke weta polítikonan di e taya aki hańa e atenshon ku nan meresé. Kousa Komun ta kere ku lo ta bon pa medionan di komunikashon dediká mas atenshon i espasio na esnan ku ta demostrá di tin karakter polítiko na fabor di interes di pueblo. Presentá e argumentunan di nan disatisfakshon, publiká nan pensamentunan polítiko, i investigá kiko ta motivá nan pa dediká tempu na nan pais. Pasobra tin mas polítiko, miembro di partido, i siudadano ku ta dispuesto pa dediká un parti di nan bida na bienestar di pais, basta ku nan no mester sakrifiká nan prinsipionan polítiko i nan integridat personal. Mester habri kaminda pa nan, i bira lomba pa oportunismo personal, denunsiá manipulashon polítiko di esunnan suak den nos komunidat, i rechasá kultivashon di kultura di miedu.
Kousa Komun su definishon di un demokrasia bibu ta:
Un komunidat kaminda kada individuo ta asumí su responsabilidat, tantu individual komo pa komunidat, i kaminda kada individuo tin espasio i medionan sufisiente pa traha na su propio desaroyo, partisipando den un sistema ku ta demokrátiko den tur sentido.
No por tin un demokrasia asina tanten ku no tin basta polítiko korekto. Demokrasia ta bin di mes ora tin desensia polítiko.
Kousa Komun, 050809
|
