Aventura polítiko na Venezuela
 E bishita sorpresa tan komentá di polítikonan di vários partido pa Venezuela ta un demostrashon di e falta di sintí serka nos polítikonan pa relashonnan internashonal. Esnan ku a bai mester ta konsiente ku, invitando nan si i otronan nň, gobičrnu di un otro pais a diskriminá entre nos polítikonan, skohiendo ken nan ke konsiderá “hermanos”. Ku esei, nan a aseptá ku Venezuela ta entremeté den polítika di Kňrsou. Nan mester karga e bčrgwensa personal i e ofensa nashonal ku nan a aseptá ku un otro pais ta regalá nan un buelo den avion militar i paga tur nan gastunan di estadia. I nan mester komprondé ku ser representante di pueblo no ta un responsabilidat ku bo ta kita pone manera un bachi ora ta kumbiní.
Finalmente, e bishita ta demostrá kon oportunismo polítiko por hasi mandatario i representante di pueblo siegu pa perkanse ku nan por hinka pais aden. En bista di e kampańa elektoral benidero, tur a bai ku e speransa di skor ku e kestion di preis di kombustibel preferenshal. Gobičrnu venesolano a disidí ku esun ku pasport venesolano lo hańa e oportunidat ei. Ku esei esnan ku a bai a habri porta pa un otro pais por intervení den proseso elektoral di nos isla.
Tur kos den bida tin su preis. Komo preis pa e privilegio di e bishita i e perspektiva di trato preferenshal, gobičrnu venesolano a usa e delegashon pa su mes interesnan den region i den su konflikto ku Merka, komprometiendo nos posishon den region, den reino i den balanse di podernan internashonal.
Na nňmber di pueblo a bai proklamá sosten na Venezuela kontra di Merka den un kousa ku no ta di nos. Esaki a hasi dańo na nos posishon di pais neutral, algu ku ta esensial pa nos sobrebibensia outónomo den region.
Ku masha machismo nos representantenan a pinta Reino Hulandes ante venezolanonan komo un pais čks-kolonialista. Ohalá nan tin e mesun kurashi ora mester sinta na mesa rondó ku Hulanda, pasobra ta einan e lucha pa nos outonomia ta bai tuma lugá, no na Venezuela. Ekspreshonnan asina ta pone nos riba un stul inkómodo ora di reunion di mesa rondó.
Mas serio ainda tabata e sugerenshanan di ámbos banda di un integrashon ekonómiko, kultural i históriko ku Venezuela. Ta integrashon polítiko so tabata falta. I kiko ke men integrashon históriko? Den nos historia, tabatin vários momentu ku na Venezuela a lanta e deseo pa integrá Kňrsou den su teritorio. Nos ta spera ku no ta esei nos polítikonan ke men. Pasobra opshon V simplemente no tabata forma parti di referčndem.
Kousa Komun ta di opinion ku no ta Cova so mester tuma na malu e loke a sosodé, sino tur ku a bai sperando di saka probecho komo polítiko i komon partido. Na lugá di esei, nan a kometé vupa tras di vupa diplomátiko.
Nan a fasilitá un atentado riba nos neutralidat. Nan a krea un posishon ferfelu na mesa rondó. I nan a lanta un gran sospecho riba kiko nos tin ku komprondé bou di “integracion” i “somos hermanos”.
Bien por ta “somos hermanos”, pero ora ta trata di negoshá asuntunan manera refineria, trato preferenshal, nos tin ku dil riba nivel di “somos estados”, sin komprometé soberania di pais, dignidat nashonal i kredibilidat polítiko.
Kousa Komun, 050519
|
