Esensia di e steker ta derecho di pueblo pa disidí riba negoshashon despues di referčndem
|
|
|
Klik riba e steker aki riba pa mira e aviso
manera kousa komun a publik’é den korant
|
|
Partidonan a anunsiá ku no tin tempu mas pa nan atendé ku e petishon pa laga hasi un konteo di e stekernan ku ta ekspresá deseo di pueblo. E reakshon di partidonan polítiko ta demostrá ku nan no ta weta e esensia di e akshon di steker “VOTA TA VOTA. NEGOSHÁ T’E KOS”, ku ta:
E derecho demokrátiko di un pueblo pa aprobá resultado di negoshashon entre polítikonan riba e opshon ku pueblo a skohe.
Pasobra si nan a komprondé e esensia, ayera nan lo a disidí i deklará públikamente ku nan lo duna pueblo e oportunidat pa vota riba e resultado di negoshashon.
Ta esei pueblo ta pidi. Tanten ku polítikonan no deklará esei, tin ku konsiderá ku nan no ta di akuerdo ku e derecho di pueblo aki.
Kousa Komun no ta representá pueblo. Su meta ta pa vigilá ku deseo di pueblo ta keda tendé, rekonosé i ehekutá. P’esei e steker ta bisa: “Mi ke un votashon popular tokante resultado di negoshashon riba e opshon ku gana.” Simpel i klaritu. No por tin nada di bruashon den esei.
E steker ta demokrátiko pasobra tur hende ku tin derecho pa vota por hasi uso di dje. Konseho Supremo Elektoral i e Diputado konserní tur dos a deklará ku e karchi ku su steker parti patras ta keda válido.
E steker ta keda registrá i depositá den archivonan di referčndem.
E steker ta muestra ku pueblo di Kňrsou ta eksihí kňntrňl total riba su futuro estatal.
Pňst ya a parti un gran kantidat di e karchi ku e steker. Kuminsando djaluna awor, e steker lo ta disponibel via e supermerkadonan prinsipal rňnt Kňrsou. Pueblo ta hańa su steker.
Laga pueblo disidí ku su steker parti patras di su karchi pa bai vota.
Pasobra na final di dia, ta pueblo mes mester karga e konsekuensha di loke polítikonan ta bai negoshá despues di referčndem.
Polítikonan ta sirbidó di pueblo. Nan mester ehekutá deseo di pueblo, ňf hala atras. Ta esei ta demokrasia.
Kousa Komun, 050401
|
