Tin asuntu mas serio ku outo
 Kousa Komun ta felisitá Bestuurscollege, ku a sa porfin di tende bos di pueblo, i a pensa ku ta mihó bira bčk na mitar kaminda i no dwalu por kompleto. Anulashon di e pedido di outo luhoso pa diputadonan a bini despues di un protesta públiko i general. Sin miedu, pero tambe sin zundra, medionan di komunikashon i pueblo en general a vosiferá nan desaprobashon masal di e paso aki di gobičrnu. I manera Kousa Komun a publiká anteriormente, no a bai pa e marka, sino pa e mensahe.
Tin tres kos ku ta resaltá akinan. Unu ta ku tanten ku tin libertat di ekspreshon, demokrasia ta dominá. Di dos ta e rňl importante ku medionan di komunikashon por hunga, revelando aktonan inkorekto di gobernashon. Pero e parti esensial ta kaminda pueblo ta respondé ku un mensahe general i insistente di desaprobashon.
Ohalá e eksperensha aki duna nos tur un kurashi pa mobilisá tambe kontra otro kasonan di gobernashon inkorekto. Kasonan ku ta hiba un mensahe mas serio ainda ku esun di outo. Situashonnan ku ta kome na rais di nos demokrasia, manera por ehčmpel:
- forma gobičrnu a base di un akuerdo aprobá den prison, ku te awe ta medio sekreto
- sinta kuater luna sin presentá un programa di gobernashon
- zundra i marka siudadanonan ku ta opiná otro for di mandatarionan
- ataká instanshanan i desbaratá rapňrtnan ku no ta na agrado di gobernantenan, sin duna argumento válido
- ninga di kontestá pregunta di parlamentarionan, ku ta representá e úniko kňntrňl demokrátiko riba gobičrnu fuera di elekshon
- ninga di duna informashon na medionan, strobando nan den nan trabou di alertador
- menasá ku bňikňt kontra medionan ku ta krítiko
- lansa ideanan personal di lidernan polítiko komo doktrina di gobičrnu
Miedu i silensio ta morto di demokrasia. Tin un dicho na ingles ku ta bisa “All that is necessary for the triumph of evil is for good men to remain silent”: tur loke ta nesesario pa maldat triunfá, ta pa hende di buena fe keda ketu.
Kousa Komun, 031121
|
