Polarisashon diskushon referčndem 2005
Último simannan, diskushon riba e diferente opshonnan di referčndem di dia 8 di aprel a bin ta lanta formal. Esaki ta un indikashon kla ku pueblo ta preparando su mes pa disidí den un proseso demokrátiko segun su konsenshi.
Base pa un diskushon sano ta respet pa otro su opinion. Sinembargo, sierto diskushonnan ta tumando un rumbo di polarisashon sin tin nodi. Den e respet ku tur hende ta anunsiá, no ta pas kalifikashonnan suphetivo manera “bobo”, “mal patriota” i “traidor”.
Varios partisipante na e diskushonnan ta ataká otro opshonnan, na lugá di defendé “nan” opshon.
Mester tene kuidou pa e manera ku ta diskutí no krea un polarisashon den pueblo. Nos no mester lubidá ku referčndem ta un proseso demokrátiko. Ta mayoria lo disidí kua di e opshonnan lo determiná nos futuro struktura estatal. Pa e struktura estatal ei logra i pa e bira un fundeshi pa desaroyo di nos isla, tur hende mester ta pará su tras despues di 8 di aprel.
Si krea enemistat i odio for di awor, nos lo no por forma ún forsa komun pa logra un futuro mihó i stabil pa nos i nos yunan.
Kousa Komun, 29 di mart 2005
|
