Karta abierto pa Konseho Insular di Kňrsou
Miembronan di Konseho Insular di Teritorio Insular di Kňrsou
Presente
Kňrsou, 29 di mart 2005
re.: outorisashon konteo di ekspreshon votadónan riba resultado negoshashon struktura estatal
Apresiabel Miembronan di Konseho Insular,
Den referčndem di dia 8 di aprel votadornan lo skohe entre kuater opshon kua ta e relashon estatal nobo ku nan ke weta realisá. En efekto, votadornan ta disidí kua opshon tin ku negoshá riba dje, komo ku e forma konkreto di e opshon ei mester sali for di negoshashon ku ta tuma lugá despues.
Nos a konstatá ku mas i mas hende ta sinti e nesesidat pa por ekspresá nan mes tambe riba e proposishon estatal ku resultá for di tal negoshashon. Esaki lo mester tuma lugá pa medio di un votashon, promé ku e proposishon bira definitivo. E sentimentu aki ta birando asina general, ku lo ta un akto di demokrasia si pueblo por hańa un oportunidat pa ekspresá esaki riba un manera konkreto. Ta lógiko ku esaki tin sintí solamente si e sosodé den mesun temporada ku e referčndem. Ademas, e mester sosodé na un manera ku por wňrdu konstatá i komprobá.
Komo ku tempu ta korto, nos a yega na e idea pa votadónan ekspresá nan opinion poniendo un mensahe riba e karchi pa bai vota, i ku nan tin ku entregá na urna ora di votashon. Pa e mensahe ta kla i inambigüo, lo distribuí steker ku un deklarashon kňrtiku al respekto. Esnan ku ke, por pega e steker parti patras di e karchi promé ku nan entregá esaki na urna, komo ekspreshon di nan deseo pa tene un votashon riba e forma estatal ku resultá for di e negoshashon.
Konseho Supremo Elektoral a konfirmá ku e steker parti patras di e karchi pa bai vota no ta kita di e valides di e karchi.
Den un proseso di ekspreshon demokrátiko ta pas tambe divulgashon di e resultado di tal ekspreshon. Konsekuentemente, a bai un súplika na Konseho Supremo Elektoral pa laga hasi un konteo di e karchinan ku bini bek ku e steker parti patras. Konseho a respondé ku e ta mantené un posishon neutral. Nos ta respetá e posishon neutral di Konseho Supremo Elektoral, loke ta nifiká ku e no por hasi nada ku ta kai for di e enkargo ofisial enkuanto referčndem.
Komo ku e enkargo aki ta bini di Konseho Insular, nos ta dirigí e súplika aki na Konseho Insular i su miembronan, pa husando e poder demokrátiko ku pueblo a otorgá na nan, outorisá Konseho Supremo Elektoral pa laga hasi e konteo aki.
Atentamente,
Kousa Komun,
Dito Abbad
Presidente
|
