Akshon Vota ta Vota. Negoshá t’e Kos
Kuminsando mańan dia 30, Post NA lo parti e stekernan ku ta forma parti di e akshon Vota ta Vota. Negoshá t’e Kos kas pa kas. Kada kas lo hańa un karchi ku kuater steker riba dje, i un instrukshon breve kon pa ehersé e ekspreshon demokrŕtiko aki. Post NA tin mester di seis dia pa logra alkansá tur kas.
Ademas, kuminsando djaluna dia 4 di aprel lo pone e stekernan disponibel na diferente lugá riba nos isla. Despues lo anunsiá e luganan di distribushon aki.
E steker riba su mes no ta personal, pues por pasanan pa otro persona ku no a risibié. E steker ta bira un ekspreshon di e votador na momento ku pegué tras di e karchi pa bai vota.
E pakiko di e akshon Vota ta Vota. Negoshá t’e Kos
Ku e votashon di dia 8 di aprel, pueblo ta duna polítikonan un mandato pa bai negoshá pa logra e opshon ku saka mayoria di voto. Kada opshon ta un prinsipio ku por wňrdu kompletá riba diferente manera. E resultado konkreto lo dependé di kon polítikonan ta interpretá e opshon, i kiko entre otro Hulanda i e otro islanan lo eksihí na mesa rondó.
Siman pasá medionan di komunikashon a raportá riba e idea kresiente ku desishon riba e resultado aki tambe mester ta den man di pueblo.
Lo tabata logiko pa miembronan di Konseho Insular, ku a aprobá e Eilandsverordening tokante referčndem, mara na mes na e idea aki den un moshon.
Awor ku Referčndem 2005 ta aserkando, e idea di laga pueblo disidí riba e resultado ta bibando mas i mas den komunidat, i hendenan ta buskando manera pa ekspresá esei. E mester ta un manera ku ta keda bon kla pa gobiernu, polítikonan, i henter pueblo. I kada votadó mester tin e oportunidat pa ekspresá si e ke esaki.
Pa fasilitá e proseso aki, a diseńá un steker ku por pega parti patras di e karchi pa bai vota, ku ta e karchi ku mester entregá na urna na momento di votashon.
Konseho Supremo Elektoral a konfirmá ku e steker pegá parti patras di e karchi pa bai vota no ta kita di e valides di e karchi.
Riba un petishon di Kousa Komun ku si Konseho Supremo Elektoral por laga hasi un konteo di e karchinan ku a bini bék ku e steker, e konseho a respondé ku su posishon neutral no ta permiti esei. Nos tin ku respetá e posishon di Konseho Supremo Elektoral, i buska otro manera pa logra un konteo. Pasobra esei lo ta e korona riba e akshon di steker. Pero, ku ňf sin konteo, punto prinsipal ta ku kada votadó ta hańa e oportunidat pa ekspresá su mes riba e asuntu importante aki.
Kousa Komun, 29 di mart 2005
|
