Referčndem: Vota ta vota. Negoshá t’e kos.
Despues ku pueblo skohe pa un opshon den referčndem di dia 8 di aprel, polítikonan ta keda enkargá ku negoshashon nesesario pa yega na un forma konkreto pa e opshon ei. Ki garantia tin ku e resultado konkreto lo kuadra ku loke pueblo tabata ke men ku e opshon ganador? Mester bini un di dos referčndem kaminda pueblo por vota riba e resultado di e negoshashon di polítikonan. Na 1993 polítikonan a interpretá e opshon ganadó na nan manera. E resultado desastroso ta konosí.
Den referčndem di dia 8 di aprel pueblo lo duna enkargo na polítikonan pa realisá un relashon estatal nobo ku ta kuadra ku e opshon ku saka mayoria. Polítikonan a bisa ku nan lo respetá e enkargo ei. Pero nan lo mester negoshá ku e otro islanan antiano, ku Aruba i ku Reino pa logra un akuerdo riba e forma konkreto di e opshon. Kousa Komun ta di opinion ku no por laga desishon final den man di polítiko. Pueblo ta disidí kua opshon tin ku negoshá riba dje. Pueblo mester bisa si e ta di akuerdo ku e resultado di e negoshashon ku ta tuma lugá despues. Polítikonan mester bini bčk for di mesa di negoshashon pa hańa OK di pueblo den un di dos referčndem, kaminda ta aseptá ňf rechasá e resultado ku polítikonan ta presentá. Si rechasá e resultado, mester bolbe sinta na mesa di negoshashon. Si pa un simpel CAO mes sindikato ta bai bčk serka su miembronan, ku tantu mas rason polítikonan mester someté nan trabou di negoshashon na veredikto di pueblo.
Bon wetá, partidonan polítiko tambe por a tuma inisiativa i konfirmá esaki unánimamente den un moshon di Konseho Insular ku ta indiká ku nan lo respetá desishon di pueblo. I ku konsekuentemente nan lo regresá for di mesa di negoshashon pa someté nan logronan na opinion di pueblo. Ku un moshon asina, polítikonan lo a habri kaminda pa pueblo hańa konfiansa bčk den polítika, maske ta parsialmente.
I ounke ku ainda no ta muchu lat pa Konseho Insular hasi esaki, tňg a bira tempu awor pa pueblo mes duna e mensahe.
Pa no tin ningun kibukashon, pueblo mester por ekspresá su mes na un manera ku por wňrdu komprobá. E mihó oportunidat ta durante di votashon di dia 8 di aprel, hasiendo uso di e karchi pa bai vota ňf stemoproepkaart ku mester entregá na urna ora bai vota. Promé ku entregá e karchi, por pone un mensahe al respekto riba parti patras. Pa hasi esaki mas fásil, Kousa Komun lo distribuí steker ku e mensahe apropiá ku por plak riba e karchi pa bai vota. Despues lo anunsiá kon i na unda por hańa e stekernan aki. Pa último notisia, subi wepsait di Kousa komun: www.kousakomun.org
Si votadónan hasi uso di e oportunidat aki masalmente, ta bira difísil pa polítikonan kue e opshon di pueblo hasi kuné manera nan hańa ta bon.
E ora ei, ta na Konseho Supremo Elektoral pa laga hasi un konteo di tur karchi ku steker i anunsiá kuantu votadó a ekspresá e demanda aki.
Pasobra den kaso di e opshonnan di referčndem di 8 di aprel: VOTA TA VOTA, NEGOSHÁ T’E KOS.
Kousa Komun, 050318
|
