Manipulashon di referčndem ta sigui
E siman aki Konseho Insular a disidí di bai kontra di punto di bista di Komishon di Referčndem, i kambia sin mas e posishon di e diferente opshonnan. Nos representantenan a duna “nan” opshon e promé posishon riba lista. Ku esaki polítikonan a intervení den trabou di Komishon di Referčndem. Algu ku ta for di sla, pasobra gobičrnu a primintí pueblo un komishon independiente.
Basando su mes entre otro riba eksperensha di Nashonnan Uní den esaki, Komishon di Referčndem a determiná un sekuensha di e opshonnan ku ta lógiko i neutral, sin indiká ňf sugerí ningun preferensha. P’esei a skohe pa un sekuensha ku ta bai di ménos kambio pa mas kambio. Opshon A ta mas serka di e struktura eksistente. Opshon B, pais outónomo, ta sigui despues komo ku e ta ménos drástiko ku opshon C (bira parti di Hulanda). Finalmente, independensha, ku ta nifiká e kambio di mas grandi, a bira opshon D.
Awor, ku e kambio polítiko ku Konseho Insular a introdusí, e sekuensha ta inkluí preferensha di partidonan polítiko.
Ademas, e eskoho aki por tresé konfushon entre votadornan, komo ku awor e favorito di polítikonan ta riba e lugá ku na 1993 a hańa gran mayoria di voto.
Di polítikonan ya nos a kustumbrá ku nan ta hasi polítika ku tur kos, i ku nan ta mas bon den konfundí ku den konvensé pueblo. Pero si Komishon di Referčndem aseptá e kambio aki, e debe pueblo un splikashon lógiko, algu ku polítikonan te ainda a keda sin duna.
Kousa Komun, 041222
|
