Prikkaart pa parlamentario
Nčt ora tur hende a kere ku despues di e debakel polítiko di DCA nivel di gobernashon no por baha mas, nos representantenan di pueblo ta bolbe sorprendé nos.
Esun ta keda sin presentá den Staten, pasobra e tin kos di hasi mas importante. Ounke ku e punto di agčnda tabata kriminalidat, ku ta birando dia pa dia mas spantoso.
E otro ta ninga di firma lista di presensha di Konseho Insular pa hunga polítika oportunista. Ku esei ta trese un proyekto ku ta habri kaminda pa tres shen kupo di trabou no ta su problema.
No ku e komportashon aki ta nada nobo, pasobra mas i mas nos protektornan di interes di pueblo ta birando mas konosí pa nan ousensia bon pagá ku nan defensa mal presentá.
Den bida real un persona no por keda kas for di su trabou sin ku esei tin konsekuensha. Pero ta parse ku den mundu polítiko si un parlamentario por disidí ki ora i ku ki resultado e ta traha. Pasobra su dońo di trabou ta pueblo, i pueblo no tin un departamento di personal ku ta vigilá ki ora ta yega, ki ora ta sali.
Si ta einan e problema ta, Kousa Komun ta bai traha riba su solushon. Nos ta bai publiká periódikamente sifra ku ta indiká presensia i ousensia di kada parlamentario ora di tene reunion, i kon kada ken a vota. Asina pueblo por tuma nota di kada parlamentario su “prikkaart”.
Si tin boluntario ku ke yuda forma e departamento di personal di pueblo aki, nan por akudí sea via Internet (direktiva@kousakomun.org) ňf postbus 3088.
Kousa Komun, 041024
|
