Si ta nesesario, ta sakrifiká interes di pueblo pa salario di DCA
Den un demokrasia, interes general tin prioridat riba interes di grupo. Por aseptá interes di grupo únikamente si esaki no ta perhudiká esun general. Den e kaso di DCA, koalishon a faya ku e regla básiko aki. A faboresé DCA ku 12 mion florin, sin wak ta di unda e montante aki mester bin. E siman aki Departamentu di Finansa a papia palabra kla: loke duna DCA, mester kita for di prioridatnan di komunidat.
Polítikonan a pone salarionan di DCA den balansa ku nesesidatnan manera salubridat, formashon di hubentut, bienestar di penshonado, futuro di organisashonnan sosial, i kreashon di kupo di trabou. No opstante tur bon intenshon den programa di gobernashon, DCA a gana.
Ademas, si e intenshon ta pa garantisá operashon di DCA te ora hańa un solushon pa su situashon penoso, lo tabata basta si a duna sčn pa mantené e avionnan den laira. Pa logra esaki, un par di mion mes lo a yega. Bou di e garantia ei, empleadonan por a kontinuá hasi nan trabou, i asina produsí e entrada nesesario pa paga nan salario. Awor a duna 12 mion pa garantisá e salario mes, sea ku tin produkshon ňf no.
Dos siman pasá Kousa Komun a seńalá ku bienestar di pueblo ta na peliger na momentu ku Konseho Insular ta aseptá konflikto di interes den su seno. Ku dos miembro di konseho insular ku ta forma parti di koalishon direktamente enbolbí den maneho di gerensha i sindikato die kompania, tabata ridíkulo pretendé ku koalishon por a disidí ophetivamente riba e debakel di DCA.
Kousa Komun, 040916
|
