DCA = Demokrasia “Cohe” Awa?
E problema di DCA ta unu kompliká. Akshonista mester asumí su responsabilidat pa e kompania i su trahadónan. Pero den e kaso aki, e akshonista ta gobičrnu di Kňrsou. Komo tal e mester pone interes general dilanti. Si interes general i esun di e kompania ta kuadra ku otro, tin un salida pa gobičrnu. Si no ta asina, gobičrnu tin un konflikto di interes.
Den un pais basá riba demokrasia, pueblo ta vota i duna su konfiansa na partidonan polítiko pa nan forma un gobičrnu i un parlamento ku ta representá i manehá interes di komunidat henter. Gobičrnu ta stipulá su maneho den un programa di gobernashon na interes general. Mandatarionan ta ehekutá esaki, asumiendo nan responsabilidat pa sirbi komunidat. Kada parlamentario tin komo tarea pa kritiká i koregí maneho di gobičrnu kaminda e ta opiná ku esaki ta bai en kontra di e programa di gobernashon ňf interes di pueblo. Interes di partido ta bini na di dos lugá.
Den kaso di DCA por bisa ku e proseso demokrátiko a keda perhudiká. Dos miembro di Konseho Insular ta alabes trahadó ku puesto importante den e kompania. Unu ta direktor suplente, e otro ta kabesante di e sindikato mayó. Ta difísil pa weta kon nan por defendé interes di pueblo den un situashon asina. Esun ku ta gerente di DCA tin ku eksihí di su mes pa e presentá sifranan na parlamento, pa despues e kambia pčchi i kontrolá e sifranan ku el a kaba di duna su mes. E otro parlamentario tin ku protehá interes di henter pais ora di disidí si ta sigui hinka sčn di pueblo den e kompania, pero komo sindikalista e mester pone interes di su miembronan na promé lugá. Pa kompliká asuntu mas ainda, difísilmente nan por tuma un desishon komo parlamentario ku lo perhudiká nan mes komo empleado i nan famia.
Tur votador tin derecho riba mesun grado di representashon den Konseho Insular. Bisa ku na e momentu aki tin 96.000 votador registrá na Kňrsou. Na DCA tin mas o ménos 700 votador ta traha, sea dirčkt of via uitzendburo. Práktikamente por konsiderá ku ora ta trata e problema di DCA, nan tin dos representante eksklusivo den Konseho Insular, un pa kada 350 votador. Sobrá 95.300 votador tin ku wak kon nan ta defendé na mes ku 19 parlamentario. Esei ta un pa kada 5000 votador. No mester ta asina. Tambe ora ta trata kaso di DCA, ňf kalke otro tópiko di gobernashon, e punto di bista mester ta ku tin 21 parlamentario ta representá tur 96.000 votador, trahadó di DCA ňf no. Ta esei ta demokrasia.
Kada siudadano tin e derecho di partisipá den polítika, tambe un gerente di kompania ňf un sindikalista. Esei mester keda asina. Ta responsabilidat di partidonan polítiko pa den formashon di lista i postulashon di parlamentario i gobernante tene kuenta ku e tipo di konflikto di interes aki por surgi. I ora esei ta e kaso, tuma medida pa protehá demokrasia den parlamentu i gobičrnu.
Kousa Komun, 040831
|
