Sin formashon kolegial no tin
gobernashon kolegial
Bestuurscollege ta goberná den forma kolegial. Diputadonan, ku gezaghebber na kabes, ta hiba un maneho huntu, ta disidí huntu, i ta karga responsabilidat pa gobernashon huntu.
Den práktika, esei ke men ku e kolegio ehekutivo aki ta un tim ku ta goberná ku mira riba henter komunidat, sin lugá pa interes di partido. Sinembargo, e manera ku formashon di Bestuurscollege a kana últimamente no ta mustra ku polítikonan ta prepará pa pone interes di pais riba esun di partido.
MAN i PLKP a demostrá ku nan no ta kapabel di logra un kompromiso riba repartishon di kartera. Di ki manera nan lo por kompartí responsabilidat di gobernashon riba un manera kolegial?
For di trempan, PAR i PNP a logra saka nan karteranan for di den loke medionan di prensa a yama “grabbelton”. Satisfecho, nan a sinta brasa krusá wak kon nan futuro partnernan kolegial MAN i PLKP a agredí otro públikamente. Lo bo a kere ku nan lo a purba di intermediá, den espíritu di e tim ku nan mester bira huntu. Ta te awor, despues di dos siman, nan a realisá ku e desakuerdo ta afektá nan reputashon tambe.
Reputashon tantu bal. Birando lomba pa e yamada general di komunidat pa traha espasio pa un gobičrnu a-polítiko sin interes di grupo, polítikonan a forma gobičrnu sentral nan ku nan. Awor ku riba nivel insular na Kňrsou nan ta fayando manteniendo e mesun kapricho, apénas a sobra reputashon pa defendé.
Nos ta bolbe ripití: si polítikonan ke demostrá madures polítiko i grandesa síviko, awor ta e momentu pa tende e súplika di komunidat, ku no a kambia. Teniendo na kuenta reglanan di formashon di BC, nan por habri kaminda pa inkluí tres diputado sin laso polítiko ni di interes di grupo.
Kousa Komun, 040623
|
