Un pueblo presu polítiko
Dia partidonan a rechasá sin mas e yamada di pueblo pa forma un gabinete di transishon, a bira kla ku polítikonan a disidí ku ta tuma pueblo hasi rehen di un kapricho polítiko ku mester bolbe forma un koalishon. Awe, resultado ta konosí. A hinka un akuerdo di krísis den otro ku hopi palabra impreshonante, poko promesa konkreto, i nada di vishon. A partí kartera den gabinete, pero no a logra forma un akuerdo riba nivel insular. Pueblo ketu bai ta rehen di poder polítiko.
Den komunidat tin e sintimentu general ku a bira tempu pa polítikonan traha espasio pa un gabinete di transishon guia pais for di e abismo sosial, kriminal i ekonómiko ku nos ta aden. Un gabinete ku tin sosten amplio di komunidat.
Na tur manera gruponan i gremionan a ekspresá esaki. Nan a trese dilanti kua ta e puntonan di krísis ku mester keda atendé riba un manera profeshonal i sin emoshon polítiko. Kousa Komun a duna e súplika aki forma hasiendo un apelashon riba nos parlamentarionan pa asumí nan responsabilidat demokrátiko, i koperá ku e deseo di komunidat pa formá i sostené un gabinete ku personanan ku kapasidat ku no tin laso ku ningun grupo polítiko, ni grupo di poder, ni grupo di interes. Personanan ku por traha huntu manera un tim, i ku ta gosa di konfiansa di komunidat.
Awor ku formashon di koalishon polítiko a pega, ta sobra e opshonnan di sea elekshon, alto supervishon, ňf un gobičrnu di transishon. Alto supervishon ta esun ménos deseabel. Elekshon por tuma lugá te aki tres luna, pa despues e mesun wega di formashon kuminsá atrobe. E krísis ku nos ta aden no ta duna nos e luho di tempu. ei. En kambio, si tur sektor yega na un akuerdo, mester ta posibel pa realisá un gobičrnu di transishon di un forma rápido.
Esaki ta e momentu pa parlamentarionan mustra grandesa síviko, i sinta na mesa ku komunidat pa diskutí sin emoshon polítiko e opshon di un gobičrnu di transishon. Tantu den Fňrti komo na Skalo, den e kuadro ku lei ta permití
Pero komunidat tambe mester sera kabes, forma un frente ku por preshoná polítikonan, proklamá deseo general, presentá e ingredientenan pa e programa di gobernashon di krísis, i deliberá riba e profil pa e personanan ku lo mester forma parti di e gobičrnunan.
Últimamente, entre polítikonan, a bira moda pa usa e ekspreshon “presu polítiko”. Den e situashon kaminda partidonan a rechasá demanda di komunidat pa forma un gobičrnu di transishon, ta pueblo a bira presu polítiko di partidonan.
Kousa Komun, 040528
|
