Tin lei, i tin konsenshi
Manera diferente parlamentario a trese dilanti durante diskushon den parlamento riba un kolega kondená pa korupshon, e por keda sinta, pasobra reglamentashon no ta menshoná korupshon komo motibu pa retiro. Pero tan aleu ku nos sa no tin lei ku ta prohibí skupi abou den sala di parlamento tampoko. Tňg e no sa sosodé, i en todo kaso e no ta keda aseptá, pasobra e ta un regla di konsenshi. Na momentu ku tin parlamentario ku ta pensa otro, mester ňf disidí ku konsenshi ta kambia i den futuro tin mag di skupi, ňf ta pasa un lei kontra skupimentu, pa asina trese klaridat riba e punto di konsenshi ei.
Pasobra tin lei, i tin konsenshi. Si no tabata eksistí konsenshi, lo no tabatin lei mes. Lei ta nada mas ku e parti eskrito di konsenshi di un komunidat. Esei no ke men ku e ta para na lugá di konsenshi. Den lei ta fiha asuntunan di konsenshi ku nos sigur no ke tin kibukashon riba dje. Sobrá kos nos ta karga den nos konsenshi. Lei no ta stipulá ku nos tin ku para den rei warda bůrt ora di paga number di outo ňf kumpra stampia. Tňg nos ta hasié, i si un hende tin purá, e ta pidi e otronan pčrmit pa e pasa dilanti. Na momentu ku tin un hende ku ta pusha bai dilanti, otronan ta desaprobá esaki.
Kaminda no tin lei, dos dede di konsenshi i desensia mester ta basta.
Ta un bčrgwensa pa nos komunidat ku nos tin dje tantu polítiko ku ta lubidá nan konsenshi di siudadano ora nan drenta porta di poder, ku te hasta ta yega pa forma un gobičrnu.
Awor ku e diskrepansha entre konsenshi di mayoria di nos polítikonan parlamentario i di konsenshi di pueblo a sali na kla mas klaritu ku nunka, komunidat tin ku eksihí di su representantenan pa konfirmá den lei e reglanan di konsenshi ku falta den parlamento, esta:
- Registrashon i finansas di partidonan polítiko
- Responsabilidat sivil di mandatarionan
- Integridat di mandatarionan
- Étika i integridat pa ámtenar
- Aseptashon di regalo i djňp pafó di trabou
Ademas mester bin ku proposishon pa ampliá outoridat di Kontrolaria General i SOAB.
Segun Ministro di Asuntunan General mes a bisa siman pasá, e leinan di integridat ta den tapara kaba, pues mester por pasa nan den ménos ku seis luna.
Kousa Komun, 040213
|
