Kiko ta pasando ku Huntanan di Komisario?
29 di desčmber 2002
Polítikonan ta keda hasi manera ta partidonan ta dońo di algu ku ta dependé di plaka di komunidat. Esaki a sali bon kla e dianan aki den kaso di UTS, kaminda partidonan di koalishon ta eksihí kuenta i rason riba un desishon di hunta di komisario pa retirá dos direktor. Algun tempu promé, Kontrolaria General a deklará ku gerensia di UTS ta ninga koperá ku un investigashon. Akshonista no a hala orea di hunta di komisario riba esaki.
Kompanianan públiko a lanta komo propiedat di gobičrnu, pero ku mandato di komunidat, i na interes di komunidat. Dia a independisá kompanianan di gobičrnu, a hasi nan n.v. ku gobičrnu komo akshonista úniko ňf akshonista mayoritario. Un di e motibunan tabata pa separá polítika for di maneho di kompania. Pero polítikonan a sigui usa nan pa krea i repartí puesto, parti toelage, regla kontratonan fabuloso, i hunga polítika ku tarifanan.
Na Curinta, Hunta di Komisario anterior, presidí pa un diputado, a otorgá kontratonan pa un total di miónes sin tene kuenta ku reglanan. Gerensia di Aqualectra no a logra di konvensé komunidat ku e kompania mester di tantu gerente. Hunta di komisario, inkluso su presidente ku ta un diputado, no tabatin komentario. Mientras invershonista di sano huisio a keda leu, gobičrnu ke obligá Curoil p'e partisipá ku miónes den DCA. Silensio serka hunta di komisario di Curoil i su presidente, atrobe un diputado. Tur komisario di UTS ta di akuerdo pa deshasí di gerentenan, ménos presidente-komisario, ku ta un .... diputado. No ta nada strańo ku den pasado, Komishon Alexander a rekomendá pa stňp di nombra diputadonan komo presidente di hunta di komisario den kompanianan di gobičrnu. E puesto di diputado ta un puesto polítiko.
Gobičrnu ta akshonista di e kompanianan. Bestuurscollege ta representá e akshonista. Hunta di komisario ta wňrdu nombrá dor di akshonista. Unabes ku partidonan di koalishon, huntu den BC, a formulá nan polítika soshal i ekonómiko, BC ta tradusí esaki den un mandato di akshonista na hunta di komisario. Hunta na su turno ta vigilá interesnan di e kompania, ku tin ku brinda un produkto kompetitivo, operando finansieramente sano, i hibando un kondukta di "bon siudadano" den nos komunidat. Hunta di komisario tin ku duna kuenta i rason na representante di akshonista, ku ta Bestuurscollege. Na último instante, BC ta duna kuenta i rason na Konseho Insular.
Polítika no ta pas den desishonnan di un kompania ku ta responsabel pa un bon servisio na preisnan kompetitivo. Si independisá kompanianan públiko hasi nan N.V. pa saka nan for di esfera di gobičrnu, i despues nombra un diputado na kabes di hunta di komisario, tantu bal. Ademas, den práktika ta partidonan polítiko ta nombra i kontrolá e demas komisarionan, polítikamente yamá "hende di konfiansa".
Na ňktober 2001 Kousa Komun a atvertí pa e tutu ku ta hasiendo di huntanan di komisario. Kousa Komun no tabata e promé ni e delaster pa hasi esei. E tempu ei a boga pa bini ku un lei pa responsabilisá miembronan di hunta di komisario pa desishonnan ku ta perhudiká komunidat. E reglanan aki mester perkurá pa nan mes (i no pueblo) paga pa nan fayonan. Tambe mester fiha ki eksigensianan un kandidato mester kumpli kuné (e asina yamá "profil"), pa nos hańa komisarionan kapas i responsabel.
Pero partidonan polítiko ta sigui hańa ku e kompanianan aki ta nan ko'i hunga. E balansa ku awe ta keda presentá na komunidat ta tristu. Kosto di produkshon i distribushon di awa subiendo, kalidat bahando. UTS i Post N.V.hibando pčrdidanan serio. Komisarionan ku ta regla djňp pagá pa nan mes o nan amigunan. Un aeropuerto ku ta gasta miónes na kontratonan dudoso. Tarifanan haltu di awa i koriente ku ta dańa ekonomia i spanta invershonista.
Ta ser bisá ku privatisashon ta e úniko manera pa saka kompanianan di gobičrnu for di gara polítiko. A buska partnernan pafó di pais ku ke invertí den e kompanianan. Esei ke men ku sin e partnernan di afó aki nos mes lo no por a logra independisá nos kompanianan? Esaki ta un fayo di nos polítikonan, pero tambe un bčrgwensa nashonal. Den kaso di referendum riba struktura estatal a lanta un protesta di henter komunidat ku a stňp polítikonan di malusá nan poder. Ta bira tempu pa nos logra mesun protesta kontra di otro formanan grave di mal gobernashon manera esun di kompanianan di gobičrnu. Esei tambe ta demokrasia. Nos deber demokrátiko no ta stňp na urna elektoral.
Sino den e kaso aki "Nos Mes Por" tin ku bira "Nos Mes a Faya".
|
