Komisarionan di Kompanianan di Gobičrnu mester karga responsabilidat
Kompanianan di gobičrnu a bira e fuente mayó pa hendenan di mala fe dispidí e rekursonan limitá di nos isla. Mester salba e último balornan aki for di gara di polítiko sin konsenshi. Awor ku nos gobičrnu ta plan barí (i despues ku a fia asina tantu di APNA te ku no tin mas pa fia), tin muchu ménos espasio eibanda pa mandatarionan di mala fe dispidí plaka di gobičrnu pa sirbi nan mes. Pero kreatividat malisioso a deskubrí kompanianan di gobičrnu komo un fuente alternativo pa malgastá plaka di komunidat.
Gobičrnu di Kňrsou (ňf Antia) ta akshonista na nňmber di pueblo di tur kompania di gobičrnu. E Hunta di Komisario di kada kompania di gobičrnu mester vigilá bienestar i kontinuashon di e kompanianan. Si e Hunta di Komisario permití pa un kompania di gobičrnu malgastá sčn, finalmente ta kada un di nos mester habri nos pňtmňni pa yena e buraku ei.
Den e lunanan tras di lomba tabatin diferente kaso rondó di diferente kompania di gobičrnu, ku ta mustra kon ta abuzá di balornan di komunidat. E kasonan mas resien ta inkluí gastamentu di sčn na Curinta N.V., Giro Bank N.V. i Post N.V. Den tur tres kaso tin indikashon ku esnan na poder a uza sčn ku no ta di nan, na un forma ku ta perhudiká e kompania, i ku finalmente ta kosta pueblo hopi plaka sin tin nodi.
Ta parse ku e Hunta di Komisario di Giro Bank N.V. a hasi sierto intento di ehersé nan trabou di kňntrňl. Pero esei ta basta? Anto unda e Huntanan di Komisario di Curinta N.V. i Post N.V. a keda, miéntras e kompanianan ta violando regla pa benefisiá kompinchinan polítiko i personal?
Kousa Komun ta hańa ku mester rigi kon ta responsabilisá miembronan di Huntanan di Komisario pa desishonnan ku ta perhudiká pueblo. E reglanan aki mester perkurá pa nan mes (i no pueblo) paga pa nan fayonan. Ademas mester introdusí strukturanan di kňntrňl ku berdaderamente ta averiguá si Huntanan di Komisario ta kumpli ku regla i ku ta inisiá tomo di medida penal si a kaso konstatá fayonan serio. Pasobra si nunka bo no responsabilisá un hende (i si ta trata di hende sin kaliber), e no ta sinti ku e mester aktua na un manera responsabel.
Tambe mester fiha ki eksigensianan pa kada komisario individual i pa e totalidat di kada hunta, pa manehá kompania di gobičrnu korektamente. Por ehčmpel:
- Bastante ekspertisio relevante
Muchu biaha ta nombra amigu polítiko ňf "hende di konfiansa" den hunta di komisario di gobičrnu, en bes di evaluá si e persona tin e habilidatnan nesesario pa ta un bom komisario. Komisariado di un kompania di gobičrnu no por ta un funshon honorario. Tempu moderno i ekonomia global ta eksihí tomo di desishon na un manera rápido i diligente. Gobičrnu mester proba un hende su ekspertisio promé ku nombr'é komisario.
- Habilidat pa balansá interes
Komisarionan mester sňru pa mandatarionan no sakrifiká futuro di e kompania, pa sirbi interes di gobičrnu. Mira kon gobičrnu a chika sčn for di UTS i Curoil den e último ańanan. Awe UTS tin problema finansiero grandi, entre otro pasobra a uza sčn ku tabatin mester pa invershon, pa tapa buraku den presupuesto di gobičrnu. Komisarionan responsabel mester evitá ku ta sakrifiká futuro di e kompania pa sirbi interes di gobičrnu.
- Bon fuente di informashon
Funshonamentu di hunta di komisario ta dependé masha hopi mes di e kantidat i kalidat di informashon ku nan ta risibí di gerensia di e kompania. Komparando e informashon aki ku metanan establesé di antemano, por determiná si gerensia ta kumpliendo ku su tarea. Naturalmente komisarionan mester tin basta preparashon i eksperensha pa por interpretá e informashon ku nan hańa, pa tradusí esaki den tarea nobo pa gerensia.
- Disiplina di dokumentashon
Ta imperativo ku ta dokumentá kada desishon tumá pa e hunta di komisario debidamente. Sin dokumentashon no ta posibel responsabilisá desishonnan ku a tuma. Sin dokumentashon gerensia no por ehekutá desishon, i ta imposibel pa kontrolá si gerensia a traha su trabou bon. Sa pasa ku mester tuma desishon purá, promé ku e siguiente reunion di hunta di komisario tuma lugá. Den kasonan asin'aki mester tin regla tokante di dokumentashon di desishon ku tuma lugá pafó di reunionnan regular.
Adaptashon di lei
Resientemente Hulandesnan a introdusí leinan ku ta rigi kulpabilidat di komisarionan, despues di algun mal eksperensia den kompanianan manera Ogem, DAF i otronan.
Serka nos tambe tur hende ku ta atendé ku propiedat di pueblo, mester duna kuenta i rason pa su desishonnan i karga responsabilidat pa su aktonan ňf negligensia. Leinan mester duna Ministerio Públiko tur espasio pa por tuma medida kontra di komisarionan individual i huntanan di komisario komo kuerpo, si nan aktua kontra di interes general.
Mirando e desaroyonan resien en kuantu maneho di kompanianan di gobičrnu, Kousa Komun ke hasi un apelashon urgente riba nos kuerpo legislativo pa introdusí leinan ku ta protehá interesnan di nos pueblo, promé ku e último bakanan tambe kaba di hoga na pos.
(Nos ta ofresé un i tur mas informashon tokante komisariado na www.kousakomun.org).
|
